ಹೃದಯದ ಪುನಃಚೈತನ್ಯಗೊಳಿಸುವಿಕೆಯಲ್ಲಿ ಯೋಗದ ಪಾತ್ರ

“ಮನುಷ್ಯನು ಪ್ರಸ್ತಾಪಿಸುತ್ತಾನೆ, ಆದರೆ ದೇವರು ಇತ್ಯರ್ಥಗೊಳಿಸುತ್ತಾನೆ” ಎಂಬ ಮಾತನ್ನು “ವೈದ್ಯರು ಚಿಕಿತ್ಸೆ ನೀಡುತ್ತಾರೆ, ಆದರೆ ಪ್ರಕೃತಿ ಗುಣಪಡಿಸುತ್ತದೆ” ಎಂದು ಅರ್ಥೈಸಬಹುದು. ನಮ್ಮನ್ನು ಹೊರತುಪಡಿಸಿ ಯಾರೂ ನಮ್ಮನ್ನು ಗುಣಪಡಿಸಲು ಸಾಧ್ಯವಿಲ್ಲ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕು!

ಯೋಗ ಚಿಕಿತ್ಸಕರ ಇಂಟರ್ನ್ಯಾಷನಲ್ ಅಸೋಸಿಯೇಷನ್, USA ಯೋಗ ಚಿಕಿತ್ಸೆಯನ್ನು ಸೂಕ್ತವಾಗಿ ಹೀಗೆ ವ್ಯಾಖ್ಯಾನಿಸಿದೆ – “ಯೋಗದ ತತ್ವಶಾಸ್ತ್ರ ಮತ್ತು ಅಭ್ಯಾಸದ ಅನ್ವಯದ ಮೂಲಕ ಸುಧಾರಿತ ಆರೋಗ್ಯ ಮತ್ತು ಯೋಗಕ್ಷೇಮದ ಕಡೆಗೆ ಪ್ರಗತಿ ಸಾಧಿಸಲು ವ್ಯಕ್ತಿಗಳಿಗೆ ಅಧಿಕಾರ ನೀಡುವ ಪ್ರಕ್ರಿಯೆ”.

ಇತ್ತೀಚಿನ ವೈಜ್ಞಾನಿಕ ಪುರಾವೆಗಳು ಒತ್ತಡ, ಆತಂಕ ಮತ್ತು ಖಿನ್ನತೆಯ ಋಣಾತ್ಮಕ ಪರಿಣಾಮಗಳನ್ನು ಕಡಿಮೆ ಮಾಡುವುದರ ಮುಖಾಂತರ ಹೃದಯದ ರಕ್ತನಾಳದ ಕಾರ್ಯಕ್ಷಮತೆಯನ್ನು ಸುಧಾರಿಸುವುದರಲ್ಲಿ ಯೋಗದ ಸಾಮರ್ಥ್ಯವನ್ನು ಎತ್ತಿ ತೋರಿಸುತ್ತವೆ,
ಹೃದ್ರೋಗದಲ್ಲಿ ಯೋಗದ ವಿಶಾಲವಾದ ಚಿಕಿತ್ಸಕ ಪ್ರೊಫೈಲ್ ಮತ್ತು ಸಾಮರ್ಥ್ಯ ಮತ್ತು ಅದರ ಅನ್ವಯವು ಅಸ್ತಿತ್ವದಲ್ಲಿರುವ ಹೃದಯ ಪುನಃಚೈತನ್ಯಗೊಳಿಸುವಿಕೆಯಲ್ಲಿ ಅಮೂಲ್ಯವಾದ ಸಹಾಯಕ ಅಂಶವಾಗಿದೆ ಎಂದು ಸಾಬೀತುಪಡಿಸಬಹುದು.

ಆರೋಗ್ಯವನ್ನು ಗುಣಪಡಿಸಲು ವಿಶ್ರಾಂತಿ ಅತ್ಯಗತ್ಯ ಮತ್ತು ಪೂರ್ವಾಪೇಕ್ಷಿತ. ಒತ್ತಡದಲ್ಲಿದ್ದಾಗ ನಾವು ಗುಣಪಡಿಸಲು ಸಾಧ್ಯವಿಲ್ಲ.

ಪ್ರಜ್ಞಾಪೂರ್ವಕ ವಿಶ್ರಾಂತಿಯು ಸ್ವಯಂ-ಗುಣಪಡಿಸುವಿಕೆಯನ್ನು ಸುಗಮಗೊಳಿಸುತ್ತದೆ ಮತ್ತು ಇದು ಆಧುನಿಕ ಆರೋಗ್ಯ ರಕ್ಷಣೆಗೆ ಯೋಗದ ಶ್ರೇಷ್ಠ ಕೊಡುಗೆಯಾಗಿದೆ.ಇದೆಲ್ಲವೂ “ವಿಶ್ರಾಂತಿ ಪ್ರತಿಕ್ರಿಯೆ” ಯನ್ನು ಪ್ರಚೋದಿಸುತ್ತದೆ.

ಯೋಗದ ಚಿಕಿತ್ಸೆಯು ಜೀವನಶೈಲಿ, ವರ್ತನೆ, ಸರಿಯಾದ ಉಸಿರಾಟ ಮತ್ತು ಆಳವಾದ ವಿಶ್ರಾಂತಿಯನ್ನು ಒಳಗೊಂಡಿರುತ್ತದೆ.

ಪಾಂಡಿಚೇರಿಯ ಆನಂದ ಆಶ್ರಮದಲ್ಲಿ ಐ ಸಿ ವೈ ಇ ಆರ್‌ನ ಸಂಸ್ಥಾಪಕ ಡಾ. ಸ್ವಾಮಿ ಗೀತಾನಂದ ಗಿರಿ ಅವರು “ನಾಲ್ಕು ಪಟ್ಟು ವಿಶ್ರಾಂತಿ” ಎಂದು ಪ್ರತಿಪಾದಿಸಿದ್ದಾರೆ. ಅದು ಈ ಬಿಂದುಗಳನ್ನು ಒಳಗೊಂಡಿದೆ:

ನಮ್ಮ ಪೂರ್ವಾಗ್ರಹಗಳು ಮತ್ತು ಪೂರ್ವಗ್ರಹದ ಕಲ್ಪನೆಗಳ ನ್ನು “ಹೋಗಲು ಬಿಡುವುದು”.
ಧನಾತ್ಮಕ, ವಿಶ್ರಾಂತ ಮತ್ತು ವಿಕಸನೀಯ ಪ್ರಕ್ರಿಯೆಯಲ್ಲಿ ನಮ್ಮ ಒತ್ತಡಗಳನ್ನು “ಬಿಡುವುದು”.
“ಕೊಡುವುದು” ಮತ್ತು ಒಳ ಮನಸ್ಸಿನ ಆದೇಶಗಳಿಗೆ ತೆರೆದುಕೊಳ್ಳುವುದು.
ಈಶ್ವರ ಪ್ರಣಿಧಾನ ಮತ್ತು ಭಕ್ತಿ ಯೋಗದಲ್ಲಿ ಹೇಳಲಾಗಿರುವ “ದೈವಿಕ ಇಚ್ಛೆ “ಕೊಡುವುದು”.

ಹೃದಯದ ಯೋಗದ ಪುನಃಚೈತನ್ಯಗೊಳಿಸುವಿಕೆಗಾಗಿ ಪ್ರೋಟೋಕಾಲ್‌ಗಳು ಯಾವಾಗಲೂ ಈ ಕೆಳಗಿನ ಅಂಶಗಳನ್ನು ಒಳಗೊಂಡಿರಬೇಕು ಎಂಬುದು ಸೂಕ್ತವಾಗಿದೆ:

ಹೃದಯದ-ಉಸಿರಾಟದ ಆರೋಗ್ಯ, ಮಸ್ಕ್ಯುಲೋಸ್ಕೆಲಿಟಲ್/ಸ್ನಾಯು ಅಸ್ಥಿಪಂಜರದ ಆರೋಗ್ಯ ಮತ್ತು ಸಾಮಾನ್ಯ ಯೋಗಕ್ಷೇಮವನ್ನು ಸುಧಾರಿಸಲು ಸೊಮಾಟೊ-ಅತೀಂದ್ರಿಯ ಅಭ್ಯಾಸಗಳು (ಜತಿ, ಕ್ರಿಯಾ,ಮುದ್ರೆಗಳು ಮತ್ತು ಆಸನಗಳು).
ಧನಾತ್ಮಕ ವರ್ತನೆಯನ್ನು ಅಭಿವೃದ್ಧಿಪಡಿಸಲು ಒತ್ತಡ ರಹಿತ ಕಾರ್ಯಕ್ರಮಗಳು, ೦ತ್ತಡಗಳನ್ನು ಕಡಿಮೆಗೊಳಿಸುವ ರಕ್ಷಣೋಪಾಯಗಳು ಮತ್ತು “ನಿಮ್ಮ ಕೈಲಾದಷ್ಟು ಮಾಡಿ ಮತ್ತು ಉಳಿದದ್ದನ್ನು ಬಿಡಿ” ಎಂಬುದನ್ನು ಕಲಿಯಿರಿ.
ಪ್ರಾಣಾಯಾಮವು ಇಡೀ ವ್ಯವಸ್ಥೆಯನ್ನು ಪುನರುಜ್ಜೀವನಗೊಳಿಸಲು ಮತ್ತು ಹೃದಯದ ಕಾರ್ಯವನ್ನು ವರ್ಧಿಸಲು, ಹೀಲಿಂಗ್ ಮತ್ತು ಆರೋಗ್ಯಕರ ಪರಿಧಮನಿಯ ಪರಿಚಲನೆಯನ್ನು ಜಾಗೃತ ಬಳಕೆಯ ಮೂಲಕ ಧ್ವನಿಯೊಂದಿಗೆ ಅಥವಾ ಧ್ವನಿ ಇಲ್ಲದೆ, ವಿವಿಧ ಅನುಪಾತಗಳಲ್ಲಿ ಆಳವಾದ ಉಸಿರಾಟದ ಮೂಲಕ (ನಾದ) ಸಹಾಯ ಮಾಡುತ್ತದೆ.
ಕಡಿಮೆ ಕೊಬ್ಬು, ಹೆಚ್ಚು ಫೈಬರ್/ರೇಶೆ ಮತ್ತು ಸಾಕಷ್ಟು ಜಲಸಂಚಯನದೊಂದಿಗೆ ಸಾತ್ವಿಕ ಯೋಗದ ಆಹಾರವನ್ನು, , ಸ್ಥಾನೀಯ ಆಹಾರವನ್ನು ಹಾಗೂ ಕಾಲೋಚಿತ ಆಹಾರವನ್ನು ತೆಗೆದುಕೊಳ್ಳಿ ಎಂದು ಸ್ವಾಮೀಜಿ ಗೀತಾನಂದ ಗಿರಿ ಜಿ ಸಲಹೆ ನೀಡುತ್ತಾರೆ.
ಮರ್ಮನಸ್ಥಾನ ದ ಕ್ರಿಯೆ ( ಒಂದೊಂದೇ ಭಾಗಕ್ಕೆ ವಿಶ್ರಾಂತಿ), ಸ್ಪಂದ-ನಿಸ್ಪಂದ ಕ್ರಿಯೆ (ಪರ್ಯಾಯವಾಗಿ ಮೊದಲು ಶರೀರವನ್ನು ಬಿಗಿಯಾಗಿ ಹಿಡಿದು ನಂತರ ಶಿಥಿಲಗೊಳಿಸುವುದು, ಕಾಯ ಕ್ರಿಯಾ (ಉಸಿರಿನೊಂದಿಗೆ ಅಂಗಗಳ ಚಲನೆ) ಮತ್ತು ಯೋಗ ನಿದ್ರಾ (ಧನಾತ್ಮಕವಾಗಿ ದೇಹದ ಚಿತ್ರಣ ಮತ್ತು ದೃಶ್ಯೀಕರಣ) ದಂತಹ ಅಭ್ಯಾಸಗಳ ಮೂಲಕ ವಿಶ್ರಾಂತಿ.
ಪ್ರತ್ಯಾಹಾರ, ಧಾರಣ ಮತ್ತು ಧ್ಯಾನ ತಂತ್ರಗಳು ಪ್ರತಿಫಲಿತ ಆತ್ಮಾವಲೋಕನವನ್ನು ಪ್ರೇರೇಪಿಸಲು ಮತ್ತು ಅತಿಯಾದ ಸಂವೇದನಾ ಪ್ರಚೋದನೆ ಮತ್ತು ಅತಿ ಪ್ರತಿಕ್ರಿಯಾತ್ಮಕತೆಯನ್ನು ಕಡಿಮೆ ಮಾಡಲು ಸೂಕ್ತವಾಗಿವೆ.
ಜೀವನಶೈಲಿ ಮಾರ್ಪಾಡು, ಭಕ್ತಿ ಯೋಗ ತತ್ವಗಳ ಒಳಗೊಳ್ಳುವಿಕೆ ಮತ್ತು ಕರ್ಮ ಯೋಗ ತತ್ವಗಳ ಅಳವಡಿಕೆಯ ಮೂಲಕ ವೈಯಕ್ತಿಕ ವಿಶ್ವ ದೃಷ್ಟಿಕೋನವನ್ನು ವರ್ಧಿಸುವುದು.
ಆರೋಗ್ಯಕರ ಜೀವನಶೈಲಿಯನ್ನು ಅಭ್ಯಾಸ ಮಾಡುವುದು ಹೃದಯರಕ್ತನಾಳದ ಕಾಯಿಲೆಯ ಪರಿಣಾಮಗಳನ್ನು ತಡೆಗಟ್ಟುವ ಮತ್ತು ತಗ್ಗಿಸುವ ಪ್ರಮುಖ ಭಾಗವಾಗಿದೆ. ಇದು ವ್ಯಾಯಾಮ, ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳುವುದು ಮತ್ತು ಧೂಮಪಾನ ಮಾಡದಿರುವುದನ್ನು ಒಳಗೊಂಡಿರುತ್ತದೆ.

ಹೃದಯಕ್ಕೆ ಆರೋಗ್ಯಕರವಾದ ಆಹಾರವು ಹಣ್ಣುಗಳು, ತರಕಾರಿಗಳು ಮತ್ತು ಧಾನ್ಯಗಳಿಗೆ ಒತ್ತು ನೀಡುತ್ತದೆ ಮತ್ತು ಕಡಿಮೆ ಪ್ರಮಾಣದ ಸೋಡಿಯಂ, ಕೊಬ್ಬು ಮತ್ತು ಕೊಲೆಸ್ಟ್ರಾಲ್ ಅನ್ನು ಒಳಗೊಂಡಿರುತ್ತದೆ, ಇದು ಪರಿಸ್ಥಿತಿಯ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಜನರು ತಮ್ಮ ವಯಸ್ಸು, ಹಿನ್ನೆಲೆ ಅಥವಾ ಆರೋಗ್ಯ ಸ್ಥಿತಿಯನ್ನು ಲೆಕ್ಕಿಸದೆ ಸಂವೇದನಾಶೀಲ ಆರೋಗ್ಯ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಹೃದಯರಕ್ತನಾಳದ ಕಾಯಿಲೆಯ ಅಪಾಯವನ್ನು 82% ರಷ್ಟು ಕಡಿಮೆ ಮಾಡಬಹುದು ಎಂದು ಸಂಶೋಧನೆ ತೋರಿಸುತ್ತದೆ.

ಹೃದಯದ ಪುನಃಚೈತನ್ಯಗೊಳಿಸುವಿಕೆಯ ಕಾರ್ಯಕ್ರಮಗಳಲ್ಲಿ ಯೋಗವನ್ನು ಸಂಯೋಜಿಸುವ ಮೂಲಕ ನಾವು ಆರೋಗ್ಯಕರತೆಯ ಪ್ರಜ್ಞೆಯನ್ನು (ಸಾಲುಟೋಜೆನೆಸಿಸ್) ಪ್ರೇರೇಪಿಸುತ್ತೇವೆ, ಹೀಗೆ ಪ್ರಜ್ಞಾಪೂರ್ವಕವಾಗಿ ನೋವಿನಿಂದ (ದುಃಖ) ನೆಮ್ಮದಿ ಮತ್ತು ಯೋಗಕ್ಷೇಮದ (ಸುಖ)ದ ಕಡೆಗೆ ಚಲಿಸುತ್ತೇವೆ.