ಪರಿವೃತ್ತ ಜಾನು ಶೀರ್ಷಾಸನ

ಮಾಡುವ ವಿಧಾನ :

ದಂಡಾಸನದಲ್ಲಿ ಕುಳಿತುಕೊಳ್ಳಬೇಕು.
ಬಲಗಾಲನ್ನು ಬಲಕ್ಕೆ ನೇರವಾಗಿ ಚಾಚಬೇಕು.
ಎಡ ಮೊಣಕಾಲನ್ನು ಮಡಚಿ ಹಿಮ್ಮಡಿಯನ್ನು ತೊಡೆಸಂಧಿಗೆ ತೆಗೆದುಕೊಂಡು ಬರಬೇಕು.
ಎರಡೂ ಕೈಗಳನ್ನು ಮೇಲಕ್ಕೆ ಎತ್ತಿ ಚಾಚಿದ ಬಲ ಪಾದದ ಕಡೆಗೇ ವಾಲಬೇಕು. ಹಾಗೆ ಎದೆಯನ್ನೂ ಮೇಲಕ್ಕೆ ತಿರುಗಿಸಿ ಎರಡು ಕೈಗಳಿಂದ ಬಲ ಪಾದವನ್ನು ಹಿಡಿದುಕೊಂಡು ದೃಷ್ಟಿಯನ್ನು ಆಕಾಶದ ಕಡೆಗೆ ತಿರುಗಿಸಬೇಕು.
ಅಂತಿಮ ಸ್ಥಿತಿಯಲ್ಲಿ ಸಹಜ ಉಸಿರಾಟ ನಡೆಸುತ್ತಾ ಇರಬೇಕು.
ಸ್ವಲ್ಪ ಸಮಯದ ನಂತರ ಮತ್ತೆ ಹಸ್ತಗಳನ್ನು ಮೇಲಕ್ಕೆ ಎತ್ತಿ ನಮ್ಮ ಪಕ್ಕದಿಂದ ಕೆಳಗೆ ಇಳಿಸಬೇಕು.
ಎಡಪಾದವನ್ನು ನೇರ ಮಾಡಿಕೊಂಡು ಬಲಪಾದವನ್ನು ಮೂಲ ಸ್ಥಾನಕ್ಕೆ ತಂದು ದಂಡಾಸನ ಸ್ಥಿತಿಯಲ್ಲಿ ಕುಳಿತುಕೊಳ್ಳಬೇಕು.
ಅದೇ ರೀತಿ ಮತ್ತೊಂದು ಕಡೆಯೂ ಮಾಡಬೇಕು.

ದಂಡಾಸನ ಸ್ಥಿತಿಗೆ ಬಂದು ಇಡೀ ಶರೀರದಲ್ಲಿ ಆಗುತ್ತಿರುವ ಬದಲಾವಣೆಗಳನ್ನು ಗಮನಿಸುತ್ತಾ ವಿಶ್ರಾಂತಿ ತೆಗೆದುಕೊಳ್ಳಬೇಕು.

ಪ್ರಯೋಜನಗಳು:

ಪಕ್ಕೆಲುಬುಗಳ ನಡುವಿನ ಇಂಟರ್ಕೊಸ್ಟಲ್ ಸ್ನಾಯುಗಳಲ್ಲಿ ಮತ್ತು ದೇಹದ ಬದಿಯಲ್ಲಿ ಮತ್ತು ಹಿಂಭಾಗದಲ್ಲಿನ ಒತ್ತಡವನ್ನು ಬಿಡುಗಡೆ ಮಾಡುತ್ತದೆ.
ಪೂರ್ಣ, ಆಳವಾದ ಉಸಿರನ್ನು ಪ್ರೋತ್ಸಾಹಿಸುತ್ತದೆ.
ಮಂಡಿರಜ್ಜುಗಳು, ತೊಡೆಸಂಧು ಮತ್ತು ಭುಜಗಳನ್ನು ವಿಸ್ತರಿಸುತ್ತದೆ.

ಎಚ್ಚರ ವಹಿಸಬೇಕಾದ ಸೂಚನೆಗಳು :

ಹೊಟ್ಟೆನೋವಿನಿಂದ ಬಳಲುತ್ತಿರುವಾಗ ಈ ಆಸನ ಅಭ್ಯಾಸವನ್ನು ಮಾಡಬಾರದು.
ಅಸ್ತಮಾದ ಸಂದರ್ಭದಲ್ಲಿ ಈ ಅಭ್ಯಾಸವನ್ನು ತಪ್ಪಿಸಬೇಕು.
ಸೊಂಟ, ಮೊಣಕಾಲು, ಬೆನ್ನು ಅಥವಾ ಭುಜಗಳಿಗೆ ಗಾಯವಾದಾಗ ಸಹ ಈ ಆಸನ ಅಭ್ಯಾಸ ಮಾಡಬಾರದು.
ಗರ್ಭಿಣಿಯರು ಈ ಆಸನವನ್ನು ಮಾಡಲೇಬಾರದು.

ವಕ್ರಾಸನ ಚಿತ್ರ ಸೌಜನ್ಯ – ಡಾ. ಟಿ ಗಾರ್ಗಿ ಊರ್ಮಿಳಾ